Еден од начините на кој што НФС - Дарителскиот регистар за срцевина (НФСДРС) врши промоција на својата работа, односно ја поттикнува свеста за станување потенцијален дарител на срцевина се токму дарителските акции. Тие се изведуваат надвор од канцелариите на регистарот во соработка со други здруженија или поедини лица, кои што сакаат да помогнат во процесот на регрутирање нови потенцијални дарители. На дарителските акции, вработените од НФСДРС, заедно со волонтери ја презентираат можноста за приклучување кон регистарот, го објаснуваат неговото функционирање и можноста некому да спасите живот.
Првата дарителска акција беше спроведена во Крушево. Во рамките на Krushevo Trail Challenge кој се одржа од 27ми до 29ти мај, во организација на АОК ЗЛАТОВРВ. На меѓународниот спортски настан на отворено, учесниците имаа можност да се натпреваруваат во четири трки, три за возрасни и една детска трка, сите во околината на Крушево. Научна фондација СПИРОСКИ беше покровител на детската трка.
Чест ни е што бевме дел од овој настан и што имавме можност да дадеме поддршка на спортот и да ги мотивираме најмладите да продолжат да го негуваат спортскиот дух.
Им честитаме на организаторите за успешната организација, им честитаме на сите учесници на трките и им благодариме на новите потенцијални дарители за нивниот хуман гест.
Втората дарителска акција беше спроведена во “Тимот А” центар за рана интервенција и стимулација на деца и возрасни. Вработените во “Тимот А” решија да се пријават како потенцијални дарители и уште еднаш да ја покажат својата хуманост.
Ви благодариме и ви посакуваме уште безброј успешни приказни.
Третата дарителска акција се одржа на 10ти јуни на плажата “Оревче” во Охрид. И покрај лошите временски услови, присутните покажаа голем интерес кон нашата работа и со задоволство се приклучија како потенцијални дарители. Им благодариме на организаторите на настанот и се надеваме на понатамошна добра соработка.
Во периодот од 16ти до 19ти јуни во Охрид се одржа “21ви семинар за квалитет, контрола, информатика и заштита во медицинска лабораториска дијагностика”, во организација на Македонско лабораториско здружение. Д-р Емилија Андоноска, вработена во НФСДРС на семинарот ја презентираше темата “СО БРИС ОД ОБРАЗ ДО ДАРУВАЊЕ НА ЖИВОТ”. Воедно беше одржана и четвртата дарителска акција. Присутните имаа можност да се запознаат со методите и начинот на работа на нашиот регистар, и да се разменат идеи и искуства со професори од повеќе земји.
Научна фондација СПИРОСКИ е основана на 03.02.2002 годинa.
Регистрирана во Централен регистар на фондации со ЕМБ: 5889243 и ЕДБ: 4030004519877
Регистрирана адреса: Ул. Рајко Жинзифов бр. 48, 1000 Скопје, Република Македонија
