Дарителски акции 2023

Содржина

Содржина

Еден од начините на кој што НФС - Дарителскиот регистар за срцевина (НФСДРС) врши промоција на својата работа, односно ја поттикнува свеста за станување потенцијален дарител на срцевина се токму дарителските акции. Тие се изведуваат надвор од канцелариите на регистарот во соработка со други здруженија или поедини лица, кои што сакаат да помогнат во процесот на регрутирање нови потенцијални дарители. На дарителските акции, вработените од НФСДРС, заедно со волонтери ја презентираат можноста за приклучување кон регистарот, го објаснуваат неговото функционирање и можноста некому да спасите живот.

НФС - ДАРИТЕЛСКИ РЕГИСТАР ЗА СРЦЕВИНА И РАЦИО ОРГАНИЗИРАА ДАРИТЕЛСКА АКЦИЈА

Во соработка со Центарот за образовен и културен развој “Рацио” на 01.03.2023год. одржавме едукативна сесија, на тема: Разбирање на потребата за пријавување на младите луѓе од мацинските етнички групи во дарителските центри за матични клетки. Едукатори на беа Д-р Емилија Андоноска, Молекуларен биолог Ана Вучуревиќ и Д-р Гуѕим Браими.
Им благодариме на организаторите на овој настан - Центарот за образовен и културен развој “Рацио” и на присутните кои што покажаа голем интерес за темата која што ја презентиравме.

ДАРИТЕЛСКА АКЦИЈА “ХЕЛСИНШКИ КОМИТЕТ ЗА ЧОВЕКОВИ ПРАВА”

На ден 11.04.2023 година во просториите на „Хелсиншки комитет за човекови права“ беше оджана дарителска акција. Вработените во организацијата со пријавување како потенцијални дарители на матични клетки ја покажаа нивната хуманост. Им благодарите за поддршката и покажаниот интерес кон нашата дејност.

ДАРИТЕЛСКА АКЦИЈА – АОК ЗЛАТОВРВ

И оваа година се дружиме со нашаите пријатели од АОК Златоврв.
Од 12-14 мај, 2023 Научна фондација СПИРОСки учествуваше на настанот "Krusevo Trail challenge" каде што повторно беше спонзор на детската трка. Изведена беше дарителска акција преку која им објаснивме на присутните што е всушност тоа Дарување на матични клетки.
Организацијата и дружбата беа одлични и покрај неповолните временски услови и се надеваме на повторна соработка.

ДАРИТЕЛСКА АКЦИЈА – АЕРО КЛУБ ПРИЛЕП

Ha 26.05.2023 година во просториите на Аеро клубот Прилеп во с. Мало Коњари одржавме едукативна сесија на тема "Со брис од образ до спасување живот". Им благодариме на членовите на Аеро клуб Прилеп, Клуб за екстремни спортови - Skyriers Прилеп и Центарот за истражување, едукација и развојни политики "Едурес" - Прилеп за нивниот ангажман за помош во нашата животоспасувачка мисија.

16ти Септември - Светски ден на дарители

Секоја година на 16ти Септември светот го слави денот на дарителите на матични клетки. По тој повод годинава имавме свој штанд во МКЦ. Штандот и промоцијата на нашиот регистар беа дел од поголем настан пропратен со крводарителска акција од Институтот за трансфузиона медицина на Република Македонија, хуманитарна забава за Лео, претставници од граѓанските организации, добра музика и дружба помеѓу присутните. Им благодариме на организаторите што ни овозможија да сме дел од настанот. Ќе продолжуваме и понатаму да го обележуваме светскиот ден на дарителите затоа што тие со несебичното дарување спасуваат многу животи. Овој највисок чин на хуманост заслужува многу поголеми почести.

Дарителска акција СОМА – Штип 18.09.02023

Заедно со здружението на студенти СОМА – Штип организиравме предавање пред студентите од универзитетот во Штип. Предавањето беше одржано од Проф. д-р Мирко Спироски и на истото се дискутираше за целата постапка од пријавување како дарител, земање на материјал и негова обработка, до можноста некој ден да се појавите како соодветен дарител и остапките за дарување на матични клетки. Предавањето беше посетено од голем број на студенти и истите имаа можност да се запознаат со нашата дејност и да се пријават во регистарот.
Голема благодарност до организаторите од здружението СОМА и до Проф. д-р Тодор Арсов.

Денови за донирање - “Те повикуваат матичните клетки” 27.10.2023, Скопје

На 27.10.2023 година, Научна фондација СПИРОСКИ со поддршка од здружението КОНЕКТ, организираше настан во склоп на Денови за донирање во Марвел Кафе. На овој настан се донираа средства за целите на дарителскиот регистар за матични клетки и присутните се пријавуваа како потенцијални дарители.